Inanunsyar kan Department of Foreign Affairs (DFA) na nakikipagkoordinar na ini sa mga awtoridad kan France tangani mabawi o maribayan an nawawarang bust o head sculpture ni Jose Rizal sa Place Jose Rizal sa Paris.
Sigun sa DFA, nawawara an bust magpuon pa kan nakalihis na Oktubre 25 o 26, asin man tulos ining ini-report sa mga lokal na awtoridad.
Sinaysay pa ni DFA spokesperson Angelica Escalona na padagos an koordinasyon kan embahada kan Pilipinas sa mga awtoridad kan Paris tangani subaybayan an imbestigasyon.
Bagaman dae pa aram an rason kan pagkawara, sinaysay kaining an mga pampublikong monumento siring kan bust an madalas na nagigin target kan panghahabon.
An bust, na inukit ni Gérard Lartigue, an inilunsar kan nakalihis na taong 2022 komo sarong simbolo kan pag iibahan kan Pilipinas asin France, asin nagsisirbing importanteng landmark para sa mga Filipino sa Paris.
