Nagpaabot nin pakikidumamay asin pagpupugay si Presidente Ferdinand R. Marcos Jr. sa anom na miyembro kan Philippine Air Force (PAF) na binawian nin buhay makalihis magbagsak an sarong Huey helicopter sa Agusan del Sur, kan Novembre 4.
Sigun ki Presidential Communications Office (PCO) asin Palace Press Officer Usec. Claire Castro, tulos na naipabot sa Presidente an insidente.
Pigsugo man ni Presidente Marcos an Armed Forces of the Philippines (AFP) asin PAF na siertuhon maitao an gabos kan tabang asin benepisyo sa mga nawalat na pamilya kan mga biktima.
Sa pahayag kan Department of National Defense (DND), pigpaabot man ninda an taos-pusong pakikidumamay asin pag-omaw sa kabayanihan kan mga piloto asin crew na nagsasagibo nin relief mission para sa mga piglamasa kan Bagyong Tino.
Pigtawan-duon ni Defense Secretary Gilberto Teodoro Jr. na dae malilingawan an sakripisyo asin dedikasyon kan mga nagbibilog kan rescue team.
