Pigpaplano nang kanselaron kan nagkapirang darakulang airline company sa United States an ginatos na flights, alinsunod sa direktiba kan Federal Aviation Administration (FAA) na limitaran an operasyon sa 40 pangenot na erpwertto sa nasyon huli sa nagpapadagos na government shutdown.
Basado sa mga pahayag kan tulong darakulang airline, mabawas sinda nin mga biyahe magpuon ngunyan na aldaw nin Biyernes, Nobyembre 8.
An American Airlines an mabawas nin dae mababa sa 220 biyahe, an United Airlines kan 200 flights kada aldaw, mantang an Delta Airlines an maabot man sa 170 flights.
Nilinaw kan mga kumpanya na an mga kinanselar na biyahe iyong mga nilalaomang dae magkakaigwa nin dakulang epekto sa mga pasahero.
Kinokonsiderar na ini komo pinakadakulang pagkauktaba sa operasyon kan mga biyahe sa himpapawid magpuoon kan government shutdown labi sa sarong bulan na an nakalihis, na kun saen nakakaeksperyensya an mga erpwerto nin kakulangan sa mga tauhan.
Mientrastanto, an mga airline na dae masunod sa emergency order kan FAA dapit sa pagbabawas nin flights an pagmumultahon nin dae mababa sa $75,000 kada flight, sigun mismo sa kasuguan kan FAA.
