Nakapreparar an Office of the Ombudsman na magtao nin proteksiyon sa nagbutas na lehislador na si dating Ako Bicol Representative Zaldy Co makalihis na magpahayag nin takot para sa saiyang buhay.
Sa enot kayang iniluwas na video ni Co kan nakalihis na Biyernes, saiyang isiniwalat kan ini pauli na sa Pilipinas, inapudan ini ni dating House Speaker Martin Romualdez asin sinaysay na dae na magbweltada nin nasyon asin pinagpatanidan na gagadanon kun mataram ini kontra sa saina.
Sinaysay man ni Co na ginamit ining panakip butas para sa kampaniya kan administrasyon kontra sa korapsiyon.
Sa sarong statement kasuodma, Nobyembre 15, pighurot kan Ombudsman na an kasalbaduhan kan sarong testigo, importante sa pighahanap na katotoohan.
Haloy na man soboot bukas an pinto kan Ombudsman sa dating lehislador tanganing ipresenta an saiyang ebidensiya asin kun takot soboot an rason kan saiyang paglikay, pigsierto kan Ombudsman na tatawan ini nin proteksiyon.Dae man pabor an Ombudsman sa paagi kan pagpapahayag ni Co kan saiyang kampo sa paagi kan pagluluwas nin sarong video, imbes na magsalaysay sa opisina.
Kaya sainda soboot masusing iimbestigaran an mga pigbuyagyag ni Co siring kan kaipuhang pag-agihan kan gabos kan testigo.
Alagad maski inako kaini na maluya minsan an proseso, ini soboot an paagi tanganing masierto an hustisya an matibay asin bakong haka-haka sana.
Sa huri, pig-enkaminar kan Ombudsman si Co na mag-uli nin nasyon, isinumiter an saiyang salaysay, ipaberipika an saiyang pahayag asin nagsairarom sa parehong proseso na pinag-aagihan kan gabos.
