Kinumpirmar ni Palace Press Officer USec. Claire Castro na inako na ni Presidente Ferdinand Marcos Jr. an boluntaryong pagbubutas ninda Executive Secretary Lucas Bersamin asin DBM Secretary Amenah Pangandaman.
Sigun ki USec. Castro, nagbutas sa tungkulin sinda Bersamin asin Pangandaman makalihis na madawit sa isyu kan budget insertions.
Dugang pa ni Castro, ginibo kan duwa an lakdang komo pagpapahiling nin delikadeza.Nagpaabot man nin pasasalamat si Presidente Marcos sa nagin serbisyo ninda Bersamin asin Pangandaman sa gobyerno.
Itinalaga ni PBBM si Secretary Ralph Recto komo bagong Executive Secretary, mantang Secretary Frederick Go an bagong Finance Secretary, asin USec. Rolando Toledo man an itinalagad sa Department of Budget and Management.
