Pigkondenar kan Armed Forces of the Philippines (AFP) an nagkukuriyat na video call kan 2024 ninda dating House Speaker Ferdinand Martin Romualdez, dating Appropriations Chair Elizaldy Co, at AFP Chief of Staff Gen. Romeo Brawner Jr., dapit sa paglangkaw kan subsistence allowance kan kasuldaduhan.
Sigun sa AFP, an nasambitan ng lumang clip na ginagamit ngunyan kan mga nag-uusig kan destabilisasyon para sabihon na an ahensiya nabayadan asin nakokontrol.
Katakod kaini, piglinaw kan AFP na an nagkukuriyat na video kua kan pig-urulayan asin inaprubahan kan Kongreso an haloy nang request na paglangkaw sa subsistence allowance kan mga soldados puon sa ₱150 pasiring ₱350.
Kun saen an nasambitan ng request sarong repormang inisyuhan mismo kan December 2023.
Sigun sa AFP, sa direktiba kan Presidente nakipag-tabangan ini sa Kongreso sa paagi ni Ilocos 1st District Representative Sandro Marcos, kaibahan sinda Co asin Romualdez, tanganing maiiba an pondo sa 2025 national budget.
Dugang pa ninda, an katapatan ninda sa Konstitusyon dae nadidiktahan kan maski siisay na personalidad sa pulitika.
Mientrastanto, pigtawan-duon kan AFP na an paglangkaw kan nasambitan ng allowance nakua kan mga military personnel para sa mga sakripisyong pigtagama kaini.
