Maduong pigkokondena kan Department of Health (DOH) an padagos na mapanlinlang na marketing kan vape products sa nasyon. Kasabay kaini, pigsuhestyon kan DOH an total ban sa paggamit asin pagpapabakal nin vape.
Sigun sa DOH, taliwas sa mga pahayag na mayong nikotina asin salbado na alternatibo sa sigarilyo an vape, igwa ini nin mga kemikal na peligruso sa salud asin nakaaakit sa kajovenan huli sa makokolor na pakete asin manlaen-laeng flavor.
Basado sa 2019 Global Youth Tobacco Survey, saro sa pitong kajovenang Pinoy edad 13 hasta 15 an naggagamit nin vape.
Nairehistro na man an primerong kaso nin pagkagadan sa Pilipinas na pigkokonektar sa duwang taong paggamit nin vape.
Pigtawan duon kan DOH na nagkakawsa nin cardiovascular disease, cancer, asin lung disease an paggamit nin vape asin sigarilyo.
