Pig-enkaminar kan United Nations human rights office an mga nasyon na magsagibo nin imbestigasyon sa ginigibong pag-atake kan Israel sa Lebanon.
Sigun sa UN High Commissioner for Human Rights, na pwedeng magbalgar sa international humanitarian law an Israel makalihis an sarong taon na napirmahan an ceasefire.
Pigtukdo kan UN an ginibong pag atake kan Israel sa Ein el-Hilweh refugee camp kun saen kaibahan sa binawian nin buhay an 11 na mga kaakian.
Basado sa datos kan UN na igwang pigkakarkulong 300 na katawo sa Lebanon an binawian nin buhay sa ginibong pag-atake kan Israel puon kan mapirmahan an ceasefire kan Nobyembre 27, 2024.
Advertisement
Advertisement
