Pigsierto kan Bureau of Internal Revenue na dae mauntok an saindang imbestigasyon sa maanomalyang flood control projects.
Sigun mismo ki Comm. Charlito Martin Mendoza, padagos pa man nindang iimbestigaran an mga kumpanyang posibleng dawit man sa kontrobersiya.
Masusi soboot na pighihiling kan ahensiya an mga ini na pwedeng dinulagan man an tamang pagbabayad kan magkakanigong buwis.
Ini an kasunod kan saindang pigsunad an ika-12 reklamong kriminal sa Department of Justice kontra sa mga indibidwal na imbwelto sa flood control scandal.
Dugang pa ni Comm. Mendoza, makakasierto soboot an publiko na an gabos kan pigtutubudang imbwelto na saindang hihilingon
Pati iba pang proyekto kan mga kumpanyang SYMS Construction Trading asin IM Construction Corporation iimbestigaran tanganing mahiling kun igwang pagbalgar sa ley.
Sigun sa ahensiya, mapakol sa lampas walong bilyon piso an pigdadaklag katakod sa kontrobersiyal na flood control projects kan gobierno.
