Pinahimutikan kan Ukraine Embassy sa Manila an akusasyon kan Russia na nagre-recruit ini nin mga Pilipino tanganing makipaglaban kaibahan kan mga soldados na Ukrainian sa giyera kontra Russia.
Sa sarong statement, pinahimutikan kan Embahada an pahayag ni Russian Foreign Ministry spokesperson Maria Zakharova na nagi-enlist an sarong US-based security company nin mga Filipino nationals tanganing ipadara sa Ukraine.
Sigun pa sa Foreign Minister, pigpromesahan soboot an mga ni-recruit na Pilipino nin US$5,000 o katampad nin P293,000 na bayad kada bulan asin sasanayon kan American instructors.
Alagad, inapod ini kan Ukraine embassy komo sarong “baseless fabrication” asin parte sana kan mas mahewas na “systematic disinformation campaign” kan Russia na obhetong rautan an Ukraine asin defense forces kaini.
Sa huri, pighurot kaini an matibay, friendly asin dynamic bilateral relations sa tahaw kan Ukraine asin Pilipinas na nabilog sa paagi kan mutual respect, tiwala asin magkatuwang na paninindugan sa international law.
