Sinugo kan Kataas-taasang Hukuman an nagkapirang opisyal kan gobyerno na simbagan an petisyon na pigsunad kasuarin sana tanganing maibweltada sa nasyon si former President Rodrigo Roa Duterte.
Sa naganap na sesyon kan Supreme Court En Banc, nag-isyu ini nin notisya tanganing suguon an mga respondents na magtao nin kasimbagan dapit sa ‘writ of habeas corpus para sa dating presidente.
Direktiba kan Korte Suprema na magsumiter kan saindang ‘memorandum’ sa petisyon an nagkapirang haralangkaw na opisyal kan gobyerno sa laog kan 30 aldaw.
Hurot kan korte na dapat man ikonsiderar kun an nasambitan ng kontrobersiya an maikokonsiderar na komo ‘moot’ asin matukoy an papel kaini orog na sa nagpapadagos na pagdangog kan kaso sa ICC o International Criminal Court.
Kaibaan sa mga pigpapasimbag kan Kataas-taasang Hukuman iyo sinda former Executive Secretary Lucas Bersamin, DILG Secretary Jonvic Remulla, Ombudsman Jesus Remulla, ex-PNP chief Francisco Marbil, former PNP-CIDG Director Nicolas Torre III, ex-Solicitor General Menardo Guevarra, ex-Foreign Affairs Secretary Enrique Manalo, asin iba pa.
Marurumdumang nagsunad nin petisyon kan nakalihis na Marso sinda Kitty Duterte, Davao City Mayor Baste Duterte, asin Davao City Rep. Pulong Duterte sa Korte Suprema tanganing maipuli an dating Presidente pabweltada nin nasyon.
