Welcome sa Armed Forces of the Philippines (AFP) an nagin direktiba ni Presidente Ferdinand Marcos Jr. na paglangkaw kan base pay kan mga militar asin iba pang uniformed personnel.
Sa iniluwas na pahayag ni AFP Spokesperson Col. Francel Margareth Padilla, sinaysay kaini na nagpapahiling sana ini nin pagbisto kan administrasyon sa mga sakripisyo kan mga suldados, sailors, airmen asin kan marines na nag-alay kan saindang buhay tangani na protehiran an taumbayan asin nasyon.
Dugang pa kaini, an nasambitan ng suporta an bako sana mapalangkaw sa moral kan katropahan kundi mapatibay sa promisang magsiribi nin propesyonal, may integridad asin katapatan sa pagtatao nin serbisyo sa nasyon.
Nagpahayag man nin pasasalamat an AFP sa Presidente para sa padagos kaining tiwala asin suporta sa Sandatahang Lakas ng Pilipinas.
Kaugnay kaini, nilalaoman na mareresiber ini sa tulong tranches magpuon Enero 2026, Enero 2027, asin Enero 2028.
