Nilinaw kan Embahada kan Pilipinas na mayong ano man na pagbabago sa polisiya katakod sa dual citizenship. Ini an sa tahaw kan propwestong ley sa US Senate tangani na mawaksan na an dual citizenship sa Amerika.
Sa sarong statement, ipinaliwanag kan embahada na presente pa sana na sarong legislative proposal an nasambitan ng bill asin man dae pa ito naisasabatas.
Nagsasairarom pa kaya ini sa masinsinang proseso kan deliberasyon asin pwede nang madagos o dae depende sa magigin desisyon kan US Congress.
Masusi na ikokonsiderar kan mga lehislador sa US an mga probisyon kan propwesto, huli man sa posibleng mga epekto kaini sa mga darakulang grupo kan mga imigrante sa nasambitan ng nasyon. Siringman, pigtawan duon kan Embahada na dae naisakatuparan an mga nakalihis na paghamon sa dual asin multiple citizenship.
Sigun pa sa Embahada, kan taon pang 1952, inihayag na kan US Supreme Court na an dual citizenship an sarong estado na haloy nang pigbibisto kan ley asin na sarong indibidwal an pwedeng pairalon an karapatan sa nasyonalidad sa duwang nasyon asin subject man sa mga responsibilidad.
An paggiit man kan mga karapatan kan sarong nasyonalidad an dae buot sabihon kan pagtalikod sa iba pa kaining nationality.
Katakod kaini, sinaysay kan Embahada na mahigot na nakasubaybay an saindang Philippine Foreign Service Posts asin man inaabisuhan an mga Filipino-American community na magin maingat sa pag-renounce kan saindang citizenship komo Pilipino huli ta ini an sarong dae na mababawi pang legal na aksiyon.
Inabisuhan man an mga Fil-Am community na nakipag-koordinar sa Embahada o sa pinakaharani na Konsulada kan Pilipinas para sa amo man na kahaputan.
