Padagos an pagbabantay kan intelligence community laban sa ano man na impormasyon na may kinaraman sa pagporbar na pagpapabagsak sa gobyerno.
Sigun ki Presidential Communications Office Secretary Dave Gomez, manlaen-laeng sources an pinagkukuanan nin impormasyon tangani na maagapan an ano man na huma sa seguridad kan gobyerno.
Siringman, sinaysay ni Gomez na mayo pang kumpirmado o verified reports na may organisadong grupo na nagpoporbar na agawon an kapangyarihan.
Basado sa report kan security sector, dagos-dagos an paglakop kan mga importanteng impormasyon tangani masiguro an katatagan kan gobyerno.
Hurot kan sekretaryo, dae binabalewala kan gobyerno an ano man na posibleng destabilization attempts huli ta may mandato ining pangatamanan an nasyon asin an taumbayan
