Naghagad nin dugang tauhan an Office of the Ombudsman mantang ipinagpapadagos an imbestigasyon asin kaso laban sa mga soboot imbwelto sa anomalisadong flood control projects, sigun ki Assistant Ombudsman Mico Clavano kan Biyernes.
Itinukdo ni Clavano na kinakaipuhan nin mas kadakol na lawyers, engineers, asin CPA lawyers tangani na mapakusog an kapasidad kan Ombudsman sa pagresolba asin pag-iimbestigar nin mga kaso.
An Independent Commission on Infrastructure (ICI), na itinatag ni President Ferdinand Marcos Jr., an nagsisiyasat sa mga anomalya sa flood control projects, alagad mayong kapangyarihan an ICI na magpataw nin contempt kun an mga in-subpoena o inimbitarang nag atendir sa hearings an dai sumipot.
Dugang pa kaini, pakukusugon man kan Ombudsman an capacity building asin training programs para sa mga bagong tauhan.
Ipinaliwanag man kaini na an anunsyo manungod sa winding down kan ICI sa laog kan duwang bulan an simbag sa mga kritiko na nagsasabing nagigin dagdag sana ining layer sa pagpapautob nin ley.
Sinaysay ni dating Public Works Secretary Babes Singson, commissioner kan ICI, na pwedeng 1,200 katao an dapat kasuhan katakod kan flood control mess. Naghali si Singson sa ICI huli sa kakulangan kan resources kan komisyon.
