Pigsugo ni Presidente Ferdinand Marcos Jr. sa Department of Interior and Local Government (DILG) asin Philippine National Police (PNP) na siertuhon an kinamumugtakan ni Sarah Discaya, Maria Roma Angeline Remando, asin iba pang imbwelto na opisyal kan DPWH tanganing tolos ma maarestrar enkaso igwa nang pigluwas na arrest warrant gikan sa korte.
Kan Biyernes, December 5,2025 pig-anunsiyar kan Presidente na pigrekomenda na kan ombudsman an pagsunad nin kasong kriminal kontra sa mga imbwelto sa ghost flood control project sa Kulaman, Jose Abad Santos, Davao Occidental na nagkakantidad nin haros 100 milyon pesos.
Pigsaysay sa reklamo an mga pangaran gikan sa St. Timothy Construction, kaibahan sinda Cezarah Rowena Discaya asin Maria Roma Angeline Remando, pati na an pirang DPWH personnel na soboot nagparekas kan pag-apruba kan mga dokumentong nagresulta sa pag-release kan bilog na pondo.
Sigun sa Presidente, pigsierto kaini na dakol mga imbwelto sa flood control anomaly an mapasko sa kulungan.
