Posibleng maibalik an parte kan P45 billion na tinapyas kan Senado sa budget kan Department of Public Works and Highways (DPWH) para sa taong 2026.
Sigun ki Senator Sherwin Gatchalian, Chairperson kan Senate contingent sa bicameral conference committee, bakong bilog na maibabalik an naibawas na P45 billion na pondo para sa mga infrastructure project.
Sa ngunyan, bine-verify pa ninda kun gurano sana an maibabalik gikan sa P45 billion na pondo na ibinase sa isinumiteng revised adjustment factors asin sa bagong computation kan Construction Materials Price Data (CMPD).
Kan nakalihis na hapon kan Miyerkules pig aantabayanan an deliberasyon kan bicam para sa P6.793 trillion na 2026 General Appropriations Bill (GAB) kun saen igwa nin 11 government agencies pang isasalang.
Kabali man an DPWH budget sa pag uulayann asin pagkakasunduon kan Senado asin Kamara partikular an inihihirit na maibalik na pondo na P45 billion.
Target na tapuson kan mga lehislador an bicam ngunyan na December 17 dawa pa mag abot ini nin magdamlag o hasta sa mag omagahon.
