Dagos-dagos an pagtutok ni First Lady Liza Marcos sa mga pagprepar kan nasyon para sa pagigin ASEAN Chair kan Pilipinas sa 2026.
Sa sarong Facebook post, pigheras kan First Lady an pirang pag-urulay na saiyang pinangenutan katakod kan mga preparasyon para sa mga aktibidad asin pagurulay kan ASEAN na ikukundusir sa nasyon.
Kaibahan sa mga pigbibisitang lugar an Coconut Palace, na saro sa mga pighihiling na venue para sa ASEAN Summit asin iba pang katakod na mga event.
Pigdumanan man kan First Lady an Likhang Filipino Center asin an Pasig River Esplanade komo parte kan pagsierto na preparado asin marhay an mga lugar na gagamitom sa pagho-host kan Pilipinas.
Sigun ki First Lady, obheto kan pagbisita sa Pasig River Esplanade na masuri kun pano pa mapapahiling asin mapagayon an lugar komo parte kan pagpepreparar kan nasyon sa ASEAN 2026.
