NAGA CITY – Ipapadagos kan Sangguniang kabataan kan Tabuco an napuonan na programa sa 2026.
Sa entrevista kan Bombo Radyo Naga ki Christobal S. Cambe SK Chairperson, kan Tabuco Naga City, sinaysay kaini na an saindang mga programa bako sanang nakapokus sa lado kan karawat kundi nagkapirang mga programa na makabuluhan para sa mga jovenes.
Huli kaini, pig-enkaminar kan opisyal an publiko na baguhon na an hiling sa mga SK orog na ta igwa paman mga magkakaginong mga magayon na programa an mga pinapautob kan saindang lado.
Dugang pa kan opisyal an SK kadakol kayang i-tangro sa mga namamanwaan partikular na sa mga concerns and issues na kaipuhan i-address para sa mga kajovenan magin man an pagtaong duon sa mga PWD Youth, ALS Learner asin manungod pa sa Disaster Risk Reduction and Management huli ta saro an Barangay Tabuco sa binabaha sa siyudad nin Naga.
Apwera pa kaini nagtitinir an pagtutok kan mga SK sa Barangay Tabuco sa pagporma kan Barangay Youth Development katuwang an mga Youth Organization sa nasambitan ng Barangay.
