Nagbabantay an Malacañang sa posibleng pagsusunad nin kaso kontra ki dating Department of Public Works and Highways (DPWH) Secretary Manny Bonoan katakod sa soboot maanomalyang flood control projects.
Sigun ki Palace Press Officer Undersecretary Claire Castro, pribadong indibidwal si Bonoan, kaya pighahalat pa kan gobierno an pormal na kaso antes na magpautob kan anuman na lakdang kontra sa saiya.
Enkaso igwa nang naisunad na kaso, posible soboot na i-trace asin tutukan kan mga otoridad an kinamumugtakan kan dating sekretaryo orog na ta dae ini nakabweltada sa nasyon makalihis na magbiyahe sa Estados Unidos.
Basado sa rekord, naghali si Bonoan nin Pilipinas kan Nobyembre 11, 2025, pasiring Amerika tanganing ibahan an saiyang agom sa medical procedure.
Alagad hasta sa presente mayo pang tala an mga otoridad kun nakabalik na ini sa nasyon maski piglalaoman an pagbweltada kaini kan nakalihis na Disyembre 17.
