Inanunsyar ni US President Donald Trump an planong konstruksiyon kan Navy battleships na ipapangaran sa saiya sa irarom kan “Golden Fleet” plan.
Ginibo kan US President an anunsiyo sa saiyang Mar-a-Lago residence sa estado kan Florida.
Sigun ki Trump, an bagong Trump-class ships iyo an magigin pinakadakulang barkong pandigma sa historya kan Amerika asin pinakadakulang battleship na ipapatugdok sa historya kan bilog na kinaban.
Nilalaomang pupuonan sa orog na marikas na panahon an konstruksiyon sa Trump Class USS Defiant ships, na equip kan heavy weapons siring kan nuclear-armed cruise missiles, mas marikas asin 100 beses na mas makusog.
Inisyal na pupuonan an konstruksiyon kan duwang bagong battleship asin dae maghaloy, planong padakulon pa ini hasta sa 25. Sigun sa US President, magigin operational an mga barkong pandigma sa laog kan duwa asin kabangang taon.
Parte an nasambitan ng plano nin mas mahewas pang lakdang para sa pagpapalawig pa kan US Navy kan saindang manned asin unmanned vessels kabali an darakulang barkong pandigma na armado kan missile asin saradit na barko.
