Inihayag kan Philippine National Police (PNP) na nagin maayos asin matrangkilo an nagin pagselebrar kan Pasko sa nasyon.
Sigun ki PNP acting Chief Lt. Gen. Jose Melencio Nartatez Jr., mayong nairehistrong insidente sa bisperas kan Pasko huli na man soboot sa disiplina kan kahimanwa asin maagap na presensya kan kapulisan.
Katakod kaini, pigsierto man kan PNP na nakaalerto an bilog na kabo hasta sa bagong taon kun saen padagos an heightened police visibilty asin public safety operations sa bilog na holiday season.
Mientrastanto, nagpaabot man nin pasasalamat si Nartatez sa mga lider kan simbahan, local government units, force multipliers, asin mga volunteer na katabang kan PNP sa pagmamantinir kan katrangkiluhan asin kaayusan sa bilog na nasyon.
Sigun pa sa saiya, na matinir na nakaalalay an PNP sa publiko asin nagwalat man nin simpleng mensahe na maselebrar an gabos nin maogma asin pirmeng salbado.
Kasabay kaini, liwat na nangapudan an PNP sa publiko, orog na sa kajovenan, na likayan an paggamit nin mga iligal na paputok asin magpili nin mas salbado asin alternatibong paagi sa pagsabat sa Bagong Taon.
