Laog na sa 2027 World Championship an Philippine men’s lacrosse team makalihis na makapagrecord nin 10-9 overtime victory kontra Japan sa 2026 Asia-Pacific Men’s Lacrosse Tournament.
Baon an 4-7 pagkadaog sa halftime, ipinahiling kan Nationals an matinding determinasyon kan nag-iskor nin limang goals sa ika-tolong quarter tanganing makahabol asin magtinir sa laban.
Nakapagdugang pa nin dugang goals an Japan sa pagtatapos kan kawat, alagad nagibong ipirit kan Pilipinas an overtime sa isko na 9-9.
Sa extended perios, si si Nicholas Marsh an nagtindog na lider makalihis na itarak an game-winning goal sa ika-75 minuto, na dagusang naghatod sa Pilipinas nin tiket pasiring sa 2027 World Championship na gaganapon sa Japan.
Napag-araman na ini an ikatolong sunod na pagbali kan Pilipinas sa world meet puon kan mag-debut kan nakalihis na taong-2018 sa Netanya, Israel, kun saen nagtapos an koponan sa ika-10 pwesto.
