Naglalaom si Senate President Tito Sotto III na magigin dagusan nang ley an Independent People’s Commission (IPC) antes an ikalimang State of the Nation Address (SONA) ni Presidente Bongbong Marcos sa Hulyo 27.
An IPC Bill na iriribay sa Independent Commission for Infrastructure (ICI) an magpapadagos sa imbestigasyon kan mga maanomalyang proyekto sa gobierno siring kan flood control projects scandal.
Tiwala si Sotto na titintaan ni PBBM an IPC Bill asin dae na kakaipuhanon pang sertipikahan nin urgent tanganing maipasar.
Pigsaysay ni Sotto na kan nakalihis na LEDAC meeting kan Disyembre pigtao sa saiya ni Presidente Marcos an kasiertihan na kaibahan sa priority bills an IPC.
Target kan Senado na sa Pebrero papusugon na an IPC bill sa ikatolo asin huring pagbasa.
