Intriga ngunyan online kun sisay an dadalanon kan dating senador asin “Pambansang Kamao” na si Manny Pacquiao sa tahaw kan sabay na laban kan saiyang duwang aki na sinda Jimuel asin Eman sa maabot na Pebrero 28, 2026.
Nakatalaan kayang maglaban komo undercard si Jimuel sa gaganapon WBO International Featherweight title na laban kan mga boksingerong sinda Elijah Pierce asin Lorenzo Parra sa Turning Stone Resort Casino sa Verona, New York.
Mantang kasabay kaini an masunod na laban kan underfeated sa record na 7-0 na si Eman kontra sa katapat kaining si Reynold Kundimang na igwang igwang record na 9-7 sa event kan PMI Bohol Boxing Promotion na gaganapon sa Tagbiliran City, Bohol sa maabot na Pebrero 28.
Huli digde, garo dae mapugolan na maghapot kan netizens kun saen na laban maduman asin madalan an saindang ama na si Manny Pacquiao.
Siring man nakaguno nin manlaen-laen na hula asin reaksiyon gikan sa netizens kun ano an magigin desisyon ni Manny Pacquiao.
