Isasagibo an trilateral talks tanganing mawakasan an giyera sa Ukraine sa United Arab Emirates, sigun ki Ukrainian President Volodymyr Zelensky.
Ini soboot an napag-ulayan ninda ni US President Donald Trump sa Davos, Switzerland.An magigin pag-urulay soboot iyo an sa tahaw kan Russia, Amerika asin Ukraine.
Sigun ki Trump, si US envoy Steve Witkoff an mapasiring sa Russia tanganing makipag-ulay ki Russian President Vladimir Putin.
Kaibahan ni Witkoff na mabiyahe sa Moscow an son-in-law ni Trump na si Jared Kushner.
Pighurot man ni Zelensky na dapat magin preparado man an Russia na magkompromiso bako sana an Ukraine.
Marurumduman, sa irarom kan 20-point plan kan Amerika, nagtatangro si Zelensky na iatras an saindang mga soldados nin hasta 40km gikan sa 25% kan Donetsk Region na nasa kontrol kan Ukraine tanganing makapagkriar nin economic zone sa Donbbas region, kun pareho an gigibuhon kan Russia.
