Suportado kan manlaen-laen na transport group an naging pahayag ni Department of Transportation (DOTR) Secretary Giovanni Lopez dapit sa pag-agi kan carpooling services sa EDSA Busway.
Kun saen maduon na pigtutulan ni Lopez huli ta pigdesensyo an nasambitan ng busway para sa mga komyuter tanganing makapagtao nin marekas asin uninterrupted service kan mga bus na igwang 300,000 na pasahero kada aldaw.
Sigun ki Provincial Bus Operators Association of the Philippines (PBOAP) Executive Director asin Spokesperson Engr. Alex Yague na an totoo na intensyon sa paggibo kan busway an mawawaran nin saysay kun kadakol na pribadong lunadan an tutugutan na mag-agi sa nasambitan ng linya.
Para man ki ALTODAP President Melencio “Boy” Vargas na an proposal na ini an ibabalik sa dating sistema na buhol-buhol an traffic sa EDSA.
Pigtawan duon pa ni Pasang-Masda National President Ka Obet Martin na kun mas kadakol an lunadan an tutugutan na mag-agi sa EDSA Busway an mas dakula man an posibilidad na maulangan asin maapektaran an mas kadakol na pasahero.
An deklarasyon kan mga grupo sa pagsuporta sa pahayag ni Lopez an sa paagi kan Land Transportation Franchising and Regulatory Board (LTFRB).
