NAGA CITY- Isasagibo sa maabot na Pebrero 6, 2026 an special Registration para sa mga Persons with Disabilities sa sarong mall siyudad nin Naga.
Sa entrevista kan Bombo Radyo Naga ki Atty. Paul John Barrosa, MBA, Chief of Office Persons with Disability Affairs Office-Naga, sinaysay kaini na an nasambitan ng aktibidad an sa pakikipag-koordinar sa Comelec-Naga, kun saen an mga PWD, pregnant wowen, seniors an magkakaigwa nin special Registration na mapuon alas 10 nin aga hasta alas 5 nin hapon.
Sigun ki Barrosa, dakulang tabang sa mga PWD an siring na aktibidad orog na ta mas convenient an venue huli ta igwang mahewas na parking, may elevator asin escalator na magagamit kan saindang mga miyembro.
Kabali sa mga serbisyo na pigtatangro an pagpaparehistro, pagpa-reactive, transfer asin iba pa.
Mientrastanto, sa 9,894 na PWD nagpakol na sana sa 6, 932 an active basado sa datos kan nakalihis na December 31, 2025.
Pigpaliwanag kan opisyal na kadakol na mga rason kun tano dae nakakapag renew kabali na digde an dae aware an iba an igwang validity an saindang mga ID.
Sa ngunyan, igwa man soboot mga lakdang na ginigibo tanganing masimbagan an nasambitan ng problema kasabay kan pagbilog nin mga programa na makakatabang sa mga PDW sa siyudad nin Naga.
