Ikinaogma kan Malakanyang an nagin resulta kan pag-urulay kan Kamara sa duwang impeachment complaint kontra ki Presidente Ferdinand Bongbong Marcos Jr.
Sinaysay ni Palace Press Officer Atty. Claire Castro na naoogma an Presidente huli ta nasunod an proseso.
Nilinaw man ni Castro na dae nakadalan an Presidente kan nagin botohan asin deklarasyon na insufficient an laog kan reklamo huli ta nasa sarong pribado asin dakulang pag-urulay si Marcos.
Alagad nasabihan kaini an Presidente sa nagin resulta kan botohan asin nahiling kan mga lehislador asin magin kan nagkapirang constitutionalist kun ano an katotoohan asin nahiling na mayong merito an mga reklamo.
Sinaysay pa ni Castro na ngunyan natapos na an isyu, nakatutok na an Presidente sa liwat na pagbawi sa ekonomiya kan nasyon asin kun pano maiangat an buhay kan mga Pilipino.
Mensahe soboot kan Presidente sa publiko na sana naliwanagan na sinda asin mag-move forward na huli ta kaipuhan na an liwag na pagsigla kan ekonomiya kan nasyon.
