Nagpakol na sa 8,472 katawo an natukoy na apektado sa panlalamasa kan bagyong Basyang. Ini an katampad kan 3,622 pamilya gikan sa 27 apektadong barangay.
Basado sa report na pigpaluwas kan Department of Social Welfare and Development (DSWD), labi 5,800 sa mga apektadong indibidwal an nagdagos sa mga evacuation center.
Ini an katampad nin labi 1,700 pamilya. Nagpakol man sa 37 evacuation center an binuksan gikan sa manlaen-laen na parte kan nasyon.
Pigpila man kan haros 300 katawo na paramientras na makidagos sa saindang mga kaparientes mantang pigpapalihis an panlalamasa kan Bagyo.
Piglalaoman na orog pang malangkaw an numero kan mga apektado asin pig-ibakwar na indibidwal mantang nagpapadagos an panlalamasa kan bagyo.
Sigun sa DSWD, nakapreparar an labi P6.7 billion na kantedad kan relief resources para sa pagsimbag kan gobierno sa kalamidad.
Kasubangi, nagland fall an Bagyong Basyang sa Surigao Del Sur asin nagkawsa nin labing pag-uran asin mahewasang pagbaha sa kadakol na komunidad sa Visayas asin Mindanao.
