Mapapalaban nin husto an Gilas Pilipinas sa second window kan FIBA World Cup Asian Qualifiers kun saen makakalaban kan tropa an powerhouse New Zealand asin Australia.
Kaya man pigpepreparar na kan Samahang Basketbol ng Pilipinas an plano tanganing masierto na preparadong-preparado an Pinoy cagers antes na magsabak sa bakbakan.
Sigun ki team manager Alfrancis Chua, kaya kan Gilas Pilipinas na makipagsabayan sa New Zealand asin Australia orog pa ta solido an lineup kaini ngunyan. Kaipuhan na magin 100 porsiyentong preparado an tropa asin mayongy anuman na injury an nagtama sa siisay man na miyembro kan pool kan Gilas.
Enot na makakahampang kan Gilas an New Zealand sa Pebrero 26 kasunod an Australia sa Marso 1 na isasagibo sa SM Mall of Asia Arena sa Pasay City.
Halangkaw na kawat man an ipinahiling kan Australia alagad naglaban nin husto an New Zealand sa saindang duwang kawat sa first window.Dikit an laban kun saen nakua kan Australia an 84-79 kapangganahan kontra sa New Zealand kasunod an 79-77 kapangganahan sa saindang ikaduwang paghahampangan.
Kaya man sasandalan kan Gilas an mga big men kaini na sinda Kai Sotto asin Quentin Millora-Brown.Makakaibahan ninda Sotto asin Millora-Brown sinda Dwight Ramos, AJ Edu, Kevin Quiambao asin Carl Tamayo na mga imports man sa Japan B.League.
Piglalaoman na nasa magayon na kundisyon si naturalized player Justin Brownlee.
