Pighurot kan Malacañang na bakong taktika tanganing ilhis an atensiyon kan publiko katakod kan pagkakadawit ninda Senador Ronald dela Rosa asin Senador Bong Go komo mga soboot “co-perpetrators” sa kaso ni dating Presidente Rodrigo Duterte sa International Criminal Court (ICC).
Ini an kasimbagan ni Palace Press Officer asin PCO Usec. Claire Castro sa pahayag kan PDP-Laban na soboot piggagamit kan administrasyon an isyu tanganing ilihis an atensiyon gikan sa mga alegasyon kan korapsiyon.
Sigun ki Castro, haloy nang nakabinbin an kaso sa ICC asin naisunad ini antes pa man magin presidente si Ferdinand Marcos Jr.
Mayo man soboot impluwensya an presenteng gobyerno sa ICC kaya dae dapat ibasol sa administrasyon an anumang findings kan korte.
Binanggit man ni Castro an naenot na pahayag ni Baguio City Mayor Benjamin Magalong na igwa soboot report dapit sa mga salang nangyari sa kampanya kontra droga, asin pig-enkaminar an media na hagadon digde an detalyes kan nasambitan ng report.
