Pigbubusol ngunyan sa House of Representatives of the Philippines kan nagkapirang kongresista na iuntok an pagpataw nin Value Added Tax (VAT) sa kuryente tanganing mapababa an singil kaini sa mga konsyumer.
Nakapalaog ini sa House Bill No. 4926 na pigsunad ninda Representatives Jude Acidre, Yedda Marie Romualdez, Andrew Julian Romualdez, asin dating House Speaker Martin Romualdez.
Aamyendahan kan prosopwesto an National Internal Revenue Code tanganing gibuhong exempt sa VAT an bentahan kan kuryente kan generation, transmission, asin distribution companies, pati na kan electric cooperatives.
Ipinunto sa prosopwesto na an pagpapataw kan VAT sa lambang kabtang kan power supply chain an nagreresulta sa “compounded tax costs” na pigpapasan kan mga nagkokonsumo nin kuryente.
Pigtawan-duon man sa prosopwesto na an pagbaba kan presyo kan kuryente an mapakusog sa purchasing power kan pamilyang Pilipino asin mapahigot sa kakayanan kan mga lokal na industriya na maresulta sa pagkriar nin trabaho asin orog sa gabos sa pag-uswag kan ekonomiya.
