Ipigheras kan alkalde kan syudad an mga lakdang na gigibuhon orog na sa mga apektadong mga Overseas Filipino Worker’s na Nagueño na nasa Middle East.
Sa paghampang sa mga Kagawad kan media ni Mayor Leni Robredo, isinaysay kaini na an mga nasa lugar nin kariribukan na mga residente kan syudad nin Naga an dapat na makontak asin e-monitor an mga nagigin kamugtakan orog na kan nakalihis na aldaw igwa nin sarong Pilipino na binawian nin Buhay sa Tel Aviv.
Huli sa igwa nin aktibong organisasyon kan mga pamilya kan mga OFW’s sa syudad an nagkaigwa naman ini nin direkta sa komunikasyon dapat soboot ini na bukas tangani na masierto na mamonitor an sitwasyon kan saindang mga kaparientes.
Sigon pa ki Mayor Robredo akaschedule man na magkaigwa ini nin mga pag urulay an Overseas Workers Welfare Administration (OWWA) sa maabot na Sabado orog na tangani na masierto an mga dapat na tabang na maitatao sa mga mawot na mag-uli orog na an hanapbuhay na makakatabang sa sainda o sa mga matinir sa mga lugar na nadadamay sa kariribukan.
Nakikipag-ugnayan naman an Lokal na Gobyerno kan syudad sa mga embahada tangani na masierto na an mga Nagueño na yaon sa lugar nin kariribukan madali na mamonitor orog na kun kinakakaipuhan nin tabang.
Dugang pa kaini na dakula an magigin epekto kan kariribukan orog na nahiihling na an Iran an nagmamawot na isara an Strait of Hormuz kun sain ini an agihan kan mga darakulang vessel sa kinaban na matransport kan oil asin gas gikan sa Middle East sa China, Europa asin United States.
Enkaso na ini an magsara asin dae makakaagi an mga darakulang vessel an dakulang epekto kaini iyo an paglangkaw kan presyo kan gasolina huli ta kun halangkaw an presyo kaini makakaapektar man ini sa mga presyo kan basic commodities.
