Pinakusog kan lokal na gobyerno kan Naga City ankampanya tanganing mabakunahan an gabos na ataman na hayon laban sa rabies asintarget na maabot an 100 percent na coverage sa syudad.
Sigon sa datos kan City Veterinary office , labi 20,000 na hayop an nabakunahan kan nakalihis na taon bilang parte kan padagos na programa kontra rabies. Sigon ki City Veterinarian Johann Michael R. Sales, igwa nin nairehistong tolong aktibong kaso kan rabies sa enotna quarter kan taon na gabos huli sa kagat kan ido.
Huli digdi, pina igting an pagbabakuna asin pangapodan sa mga pet owner na makisumaro tanganing maibitaran an paglakop kan rabies sa komunidad. Nangapodan an LGU Naga sa mga residented na darahon an saindang mga ataman na hayop sa mga itinakdang vaccination sites sa lambang barangay.
Kasabay kani an pagpakusog kan information drive tanganing mapataas an kaaraman kan publiko sa rabies, rabies prevention asin responsableng pag ataman nin hayop.
Linalaoman kan City Veterinary Office na sa tabang kan padagos nakooperasyon kan mga namamanwaan asin suporta kan lokal na gobyerno, mapupugulan an pagdakol kan rabies asin mamamantiner an kaligtasan kan mag tawo asin hayop sa syudad.
