Matrayumpong naisagibo an hiro-protesta kan trasport group sa syudad nin Naga.
Sa intrevista kan Bombo Radyo Naga ki Ramon Rescovilla, Spokesperson kan Piston- Bicol, bilang pagsuporta sa isinagibong transport strike sa probinsya nin Albay, nakisumaro man an nagkapirang grupo kabali na an sektor kan trasnportasyon sa banwaan nin Libmanan Camsur.
Obheto kan aktibidad na ini an maipaabot sa gobyerno an agrangay kan mga driver na ibasura an oil deregulation law, oil excise tax asin e-vat.Sigon pa sa opisyal na hinanapan nin permit kan mga otoridad an saindang grupo sa pagsagibo kan aktibidad asin igwa man inin naipresentar sa mga pulis na pirmado kan saindang alkalde sa Albay.
Dagdag pa kan opisyal na igwa nin nagkapirang dai nakisumaro sa strike partikularmente an mga byaheng Libmanan to Naga huli ta an iba digdi miembro na kan cooperatiba asin sinusunod kan mga ini an panundon kan cooperatiba na kun sain an iba tinatakot na tanggalan nin prangkisa sa oras na makisumaro sa hiro protesta.
Ngunian na aldaw, Marso 20 padagos man giraray an transport strike huli ta dai mauntok an saindang grupo sa pag pangapodan sa gobyerno kan daindang mga agrangay lalong lalo na ngunian na dai pa natatapos na kariribukan sa middle east rason kan padagos na pag umento sa presyo kan produktong petrolyo.
