Denipensahan kanPalasyo sa Malacañang ang pahayag ni Presidente Ferdinand Marcos Jr. manungod sa soboot pagdetenir kan dating pamayo kan House appropriations panel na si Zaldy Co sa Czech Republic bilang “premature.”
Segun sa Palace Press Officer Usec. Claire Castro, an impormasyon kan Presidente na si Co yaon sa kustodiya kan mga awtoridad kan Czech asin authorities asin na-hold an saiyang paghiro, daw bako nin opisyal na “arrest” siring kan nilinaw ng Department of Justice (DOJ).
Lininaw man ni Castro na general an tataramon na “nadakop” na ginamit kan Presidente asin pwedeng sa hold o restriction of movement, asin dae man kaipuhan na legal arrest.
Mientrastanto, kinumpirmar kan DOJ na dae nadakop si Co imbes pigkulong sana huli sa posibleng pagbalga kan mga patakaran sa immigration makalihis suboot na magprobar na magbalyo sa linderos kan Czech-German na mayong travel documents.
Si Justice Secretary Fredderick Vida yaon man sa Prague tanganing makipagkoordinar sa mga awtoridad duman manungod sa sitwasyon kan dating mambabatas.
Nahahampang si Co sa kasong graft asin malversation katakod kan suboot anomaliya sa P289-million na flood control project sa Naujan, Oriental Mindoro.
An Presidente mas naenot na naganunsyar na magpadara nin sarong halangkaw na lebel na grupo tanganing makipag-olay sa mga awtoridad kan Czech para sa posibleng pagbalik ni Co sa nasyon tanganing atubangon an mga akusasyon laban saiya.
