Mayo nin nahihiling Department of Justice Secretary Fredderick Vida mayo na rason tanganing ‘suspindihon’ an direktor kan National Bureau of Investigation na si Atty. Melvin Matibag.
Sa kahapotan kan Bombo Radyo, aminado an sekretaryo na dae pig-iisipan kan departamento na magpaluwas nin orden sa opisyal.
An pahayag kasunod kan apelasyon ni Presidente kan Senado Alan Peter Cayetano na suspendiron si Dir. Matibag matapos na mag-isyu nin ‘preventive suspension’ an Office of the Ombudsman ki Acting Senate Sergeant-at-arms na si Mao Aplasca.
Piglinaw kaini na mayo nin poder an ahensya na suspendiron an director kan bureau katakod kan nangyaring putok sa senado.
An acting Senate Sergeant-at-arms na si Mao Aplasca pigsuspendir kan Ombudsman sa laog nin anom na bulan ngani na magkaigwa nin imbestigasyon sa mga insidenteng nangyari sa Senado ngunyan na semana.
Sukwahi sa pinaluwas na suspension ni Ombudsman Jesus Crispin ‘Boying’ Remulla, si abogado Atty. Israelito Torreon na bako sa saiyang kapangyarihan na suspendiron si Aplasca.
Nanindugan pa ini na sala ini huli ta an Sarhento-at-arms, base sa reglamento kan Senado, pigkokonsiderar na ‘elective officer’ asin bako sanang ‘appointed office’.
