Makakakua nin kaginhawahan an mga konsumedores ngunyan na bulan huli ta mababa an presyo kan liquefied petroleum gas (LPG) sa retail.
Sa sarong paisi, sinabi na iimplementar an ₱5.00 na rollback kada kilo sa gabos na klase asin variant kan Gasul na mga silindro sa harong, poon sa Hunyo 2, 2026.
Siring man, sa iba pang Kompanya kan gasul na babawasan man kaini an presyo kan 11-kilogramong tangke nin LPG nin ₱5.00 kada kilo, poon Hunyo 4, 2026, alas 6 nin aga.
An rollback katumbas kan ₱55 na pagbawas sa presyo kan sarong pamantayan na 11-kilogramong silindro nin LPG.
Susog sa Department of Energy (DOE), an presyo kan LPG dai pa sana nahahaloy naglangkaw nin ₱1.22 kada kilo, o mga ₱13.42 para sa 11-kilogramong tangke kan nakaaging bulan.
An presyo kan 11-kilogramong LPG kan Mayo pigkakarkulong nasa pag-ultanan kan ₱1,070.42 asin ₱1,701.77, base sa pinakabagong datos kan DOE.
