Nagtagama an gobyerno nin poco mas o menos P1.30 trilyon para sa pag-uswag kan sektor nin edukasyon ngonian na taon.
Ini an pig-anunsyo ni Presidente Ferdinand R. Marcos Jr. sa saiyang speech sa 3rd Commencement Exercises kan West Visayas State University (WVSU) College of Law, kun sain pigduon niya an importansya kan padagos na pagpuhunan sa edukasyon tanganing mas mapakusog pa an sistema nin hustisya asin an pag-uswag kan nasyon.
Durante kan nasabing aktibidad, pinangenotan kan Presidente, kaiba si First Lady Louise Araneta-Marcos, an pag-inagurar kan bagong apat na eskalon na edipisyo kan WVSU College of Law na may anom na classrooms, sarong review room, asin duwang moot courts bilang parte kan investment sa mga future lawyers.
Enot nang ibinareta kan Presidente na an national budget para sa 2026 iyo an nag-alokar kan pinakadakulang pondo sa historya para sa edukasyon, na nagkakantidad nin P1.345 trilyon o 4.36% kan Gross Domestic Product (GDP).
Gagamiton an fondo para sa recruitment nin mga paratukdo, learning recovery sa mga core subjects, school-based feeding programs, asin pagtogdok nin mga classrooms sa nasyon.
