Kasunod kan pagbukas kan School Year 2026–2027, tinawan doon ni Senate President Pro Tempore Win Gatchalian na pupuonan na ngunyan na taon an pinalawak na mga feeding program sa mga pampublikong eskwelahan asin mga Child Development Centers (CDCs) ta nganing masugpo an malnutrisyon sa mga Pilipinong estudyante.
Sa irarom kan 2026 national budget, nagtagama nin P25.7 bilyon para sa School-Based Feeding Program (SBFP).
Masasakop na kan programang ini an gabos na estudyante sa Kindergarten asin Grade 1 sa mga pampublikong eskwelahan ngunyan na taon
Palalawakon man suboot an bilang kan feeding days gikan sa 120 pasiring sa 200 na aldaw.
Linalaoman na maabot sa 4.6 milyon na estudyante an makikinabang sa programang ini, kabali an mga wasted, severely wasted, stunted, asin severely stunted learners hale Grade 2 sagkod Grade 6.
Mientrastanto, nagtagama nin P9.2 bilyon sa irarom kan 2026 national budget para sa Supplementary Feeding Program (SFP) kan Department of Social Welfare and Development. Sa paagi kan pondong ini, inaasahan na masusuportahan kan programa an poco mas o menos 1.8 milyon na kaakian na naka-enrol sa mga CDCs asin Supervised Neighborhood Play.
Nakatakda man na madagdagan an feeding days kan programa hale sa 120 pasiring sa 200 na aldaw.
