Pigsierto kan Malacañang na padagos an paghahanap kan gobyerno ki dating kongresista Zaldy Co, maski pig-archive na kan Sandiganbayan an graft case laban sa saiya huli ta dai ini naaresto sa laog nin labi anom na bulan.
Sinabi ni Palace Press Officer Undersecretary Claire Castro na dai pinapabayaan kan mga awtoridad an saindang obligasyon na hanapon si Co, na nahahampanh sa mga kasong graft asin malversation na may koneksiyon sa suboot maanomalyang road dike project sa Naujan, Oriental Mindoro.
Tinawan doon man ni Castro na an pag-archive kan kaso saro sanang procedural na lakdang asin dai ini nangangahulugan na ibinasura na an mga kasong isinampa laban ki Co.Pansamantala suboot na hinahali sana an kaso sa listahan kan mga aktibong dinidinig kan korte, asin ibabalik ini sa regular na proseso sa oras na maaresto na an dating lehislador.
Pigpaliwanag pa ni Castro na nagpuoundo man an pagdalagan kan prescriptive period mantang naka-archive an kaso, kun kaya dai mawawara an pananagutan ni Co maski mag-agi pa annhakawig njn panahon an saiyang pag-estar sa luwas kan nasyon.
Marurumduman na dating Chairman kan House Committee on Appropriations si Co asin saro sa mga primerong personalidad na iniuugnay sa suboot anomalya sa mga flood control project. Kan Nobyembre 2025, nagpaluwas ini nin mga video sa social media na nag-uugnay ki Pangulong Ferdinand Marcos Jr. asin dating House Speaker Martin Romualdez sa suboot kickback scheme.
Nagluwas si Co sa Pilipinas kan Hulyo 2025 gamit an travel authority para sa medical treatment. Nagpaluwas an Sandiganbayan nin warrant of arrest laban sa saiya kan Nobyembre 21, 2025. Kan Abril, sinabi ni Marcos na sisikapon kan gobyerno na maibalik si Co sa nasyon matapos mareport na naaresto ini sa Czech Republic dahil sa umano’y paglapas sa immigration laws.
Mientrastanto, kinumpirma kan Malacañang na mayo na ini sa kustodiya kan Czech authorities asin nagsumite nin aplikasyon para sa political asylum sa France.
