Nararapat sana na pahampangon sa korte si Senator Rodante Marcoleta asin iba pang haralangkaw na opisyal na may pananagutan sa ley, segun sa Clergy for Good Governance (CGG).
Nanindugan an grupo na dapat hampangon kan senador sa korte an mga akusasyon laban sa saiya, asin bakong sa ibang forum. Kun accountability o pagpapanagot an hinahagad kan Iglesia Ni Cristo sa saindang isinagibing rally tanganing suportahan si Marcoleta, dapat sana suboot na sa korte na mag-atubang an senador asin digdi ilatag an saiyang ebidensiya.
Dapat man suboot na pabayaan ninda an saindang miyembro na ihampang an saiyang sadiri sa korte.Segun pa sa Catholic priest, kun totoong inosente si Marcoleta, dai dapat ini matakot na maghampang sa korte o hampangon an mga abogado kan Ombudsman.
Tinawan doon man ni Fr. Reyes na apwera ki Marcoleta, dapat man isunad na an kaso laban sa iba pang mambabatas asin haralangkaw na opisyal na natukoy na sangkot sa flood control scandal.
Tinukoy kan padi sina Sen. Joel Villanueva, Sen. Chiz Escudero, o maging si Pang. Ferdinand Marcos Jr., kun igwa man ining paninimbagan sa nabunyag na iskandalo. Tinawan doon ni Fr. Reyes, bakong dapat rason an presenteng posisyon kan siisay man tanganing dai mapanagot sa anuman na pagkakasala.
