Inabisuhan ni Ombudsman Jesus Crispin Remulla an gabos na opisyal kan gobyerno na likayan an Conflict of Interest habang nagsisirbi sa gobyerno.
Dugang pa niya, dapat magpili sana kun negosyo o pulitika an saindang tatahakon. An pahayag na ini kasunod kan padagos na imbestigasyon ninda sa nagkapirang mambabatas na sinasabing sangkot sa nagkapirang anomalya.
Sigon ki Remulla, kaipuhan na magkaigwa nin delikadesa an lambang pulitiko asin ibitaran an ano man na pansadiring interes.Kun gustong magnegosyo, iyo na sana an tutukan asin dai na magdalagan o maglaog sa pulitika.
Segun pa sa Ombudsman, bako sanang sa mga party-list nanunutaran an kinasanayan na an mga opisyal kan gobyerno nagigin Government Contractor.
Sa ngunyan, may iniimbestigahan sindang duwang mambabatas na sinasabing sangkot sa Graft huli ta sinda an nag-aako o may koneksyon sa sarong Construction Service.
