Nagranggo an Pilipinas bilang ikatulong pinakamadaling nagtutubo na ekonomiya sa bilog na kinaban sa larangan kan intangible investments, segun sa ulat kan World Intellectual Property Organization (WIPO).
Sa World Intangible Investment Highlights 2026, na iniluwas kan WIPO katabang an Luiss Business School, ipinahiling na an Pilipinas nagtala nin 4.6% paglago sa intangible investments hali 2021 sagkod 2022.
An India an nag-una sa listahan na may 7.9% paglago, sinundan kan Japan na may 4.8%.
Iyo ini an enot na pagkakataon na naapod an Pilipinas sa nasabing ulat.
Sa taon na ini, 29 na ekonomiya an sakop kan pag-adal.
Hali 2012 sagkod 2022, an aktuwal na intangible investments kan Pilipinas nagtubo sa compound annual growth rate na 3.9%, na mas halangkaw kaysa pangkabilogan na average sa bilog na 3.5% .
Noong 2022, nakaipon an Pilipinas nin katumbas na US$49.1 bilyon na halaga sa intangible investments.
An intangible assets iyo an mga ari-arian na dai nahihiling, arog kan kaaraman sa organisasyon, panaliksik asin pagpauswag (R&D), software asin datos, mga tatak (brands), disenyo, asin iba pang intelektuwal na propiedad.
Segun ki Teodoro Pascua, Director General kan Intellectual Property Office of the Philippines (IPOPHL), nag-abot ini sa mahalagang panahon tanganing an Pilipinas nagsusugod na nin bagong kapitulo bilang upper-middle income economy.
Segun saiya, an hamon ngunyan iyo kun paanong papakusugon an mga kaaraman asin iba pang knowledge-based assets tanganing magin mas kompetitibo an ekonomiya sa maabot na panahon.
Mantang si Marco Alemán, Assistant Director General kan IP and Innovation Ecosystems Sector kan WIPO, nagsabi na mahalaga an papel kan intellectual property (IP) sa pagtugot sa mga negosyo asin ekonomiya na mapakinabangan an halaga kan intangible assets.
