Pilipinas irerepresentar an nanggana na si Aleng Pulis, Police Chief Master Sergeant (PCMS) Maria Zha-Zha C. Bio kan Civil Security Group (CSG).
An PCMS Bio kinoronahan bilang Classic Mrs. Philippines International Global 2026 kan Mayo 30, 2026.
Huli sa saiyang kapangganahan, siya napili na magrepresentar kan nasyon sa Mrs. International Global 2026 World Final na gigibohon sa Kuala Lumpur, Malaysia sa Oktubre.
Siya sarong espesyalista sa kemikal asin edukador na an adbokasiya iyo an pagpakusog kan mga deretso kan mga kababaihan, kaaraman sa kaligtasan sa kemikal, proteksyon sa kapalibutan asin salud sa lambang pamilya.
Pig-omaw ni PNP Chief General Jose Melencio Nartatez Jr an partisipasyon ni Bio kun saen sinabi kaini na nagpapahiling sa saiyang kapangganahan an kakaibang kalibre kan sarong pulis asin nagseserbing inspirasyon sa lambang Pilipino.
Kumpiyansa an PNP Chief na magiging matrayumpo an PCMS Bio huli ta bako sana an nasyon an pigrerepresentar niya kundi maging an Philippine National Police
