Nanindugan an Malacañang na obligado si Bise Presidente Sara Duterte na ibuyagyag an katotoohan sa mga tawo kun mayo siyang itinatago.
Ini an simbag kan Palasyo makalihis na sabihon kan kampo ni Duterte na dai sinda natatakot sa mga dokumento, kundi nagkokontra sa kahagadan na buksan an financial records kan bise presidente huli sa legal na isyu.
Segun ki Palace Press Officer Claire Castro, an impeachment bakong “magic wand,” alagad an pinaka-importante iyo an katotoohan.
Kung dae man nin dapat ikahandal si Duterte, dae man siyang rason na dae ipahiling an saiyang records.
Nagdududa man si Castro na mapirma nin waiver an Bise Presidente tanganing mabuksan an saiyang financial records.
Mientrastanto, dae pa man nagpipirma si Presidente Ferdinand Marcos Jr nin awtorisasyon na ipaluwas an tax records ni VP Sara.
