Nakaamba sa masunod na semana an Bigtime Oil Price Hike sa presyo kan mga produktong petrolyo, na liwat mapasakit sa mga motorista.
Segun sa sarong source hali sa industriya kan langis, posibleng magtaas nin P9.50 hasta P10.50 kada litro an presyo kan diesel. Mantang piglalaoman man na madudugangan nin P3.50 hasta P4.50 kada litro an presyo kan gasolina.
Segun pa sa source na kawsa kan piglalaoman na oil price hike iyo an liwat na pagtindi kan tensyon sa Middle East. Kabali digdi an pag-atake kan Iran sa mga Commercial Ship na nag-aagi sa Strait of Hormuz, asin an mga ginibong pagbalos kan Estados Unidos sa mga military asset kan Iran.
Dugang pa digdi, nakaapekto man sa presyo kan langis an pangamba sa posibleng pagkaantala kan suplay, pagbawas kan trapiko kan mga barko sa Strait of Hormuz, asin an pagbaba kan Russia sa pag-export kan diesel.
Mientrastanto ipinahayag ni Pangulong Ferdinand Marcos Jr. an pagpapalawak kan United Package for Livelihoods, Industry, Food, and Transport (UPLIFT) Program tanganing makatabang sa mga pamilyang maaapektuhan kan pagtaas kan presyo kan langis.
Sa irarom kan programa, kinakarkulong 7.5 milyon asin 500,000 na household, o labi sa 37.5 milyonna Pilipino sa bilog na bansa, an makakaresiber nin ayuda pinansyal.
Kabilang digdi an 3.5 milyon na benepisyaryo kan Pantawid Pamilyang Pilipino Program (4Ps) asin Walang Gutom Program, na makakaresiber nin sarong beses na ayuda na nagkakantidad nin P2,000.
