Kinondena kan nagkapirang senador an AI-generated video na ipinaluwas kan sarong China-based media outlet na naglaladawan kuno sa mga Pilipino komo mga unggoy na may kinaaraman sa isyu kan 2016 Arbitral Award sa West Philippine Sea (WPS).
Segun ki Senate President Sherwin Gatchalian, dae dapat magkaigwa nin lugar an racism asin pang-iinsulto sa dignidad kan tawo, maski may dae pagkakauruyonan an mga nasyon.
Hinagad man kaini sa gabos na media asin mga institusyon na magin responsable asin isulong an marhay asin magalang na pagbareta.
Segun man ki Senator Francis “Kiko” Pangilinan, malinaw na racist asin nakakainsulto an naturang video.
Nangapodan ini sa gobyerno kan China na ipatanggal an video, maghagad nin patawad, asin papanimbagon an mga responsable sa paggibo asin pagpaluwas kaini.
Mientrastanto, iginiit ni Senate Majority Leader Migz Zubiri na dae dapat mag-abot sa racism asin pagpapahamak kan dignidad an dae pagkakauruyonan sa isyu kan WPS. Segun saiya, padagos na ipaglalaban kan Pilipinas an saiyang mga karapatan sa paagi kan ley, katotoohan, asin diplomasya.
