Makakatabang nang dakula sa kabataang Pilipino an panukalang West Philippine Sea Education Bill kung ini magiging balaod.
Sa intrevista kan Bombo Radyo Naga kay Atty. Salvador “Bogs” Pelingon, Division Information Officer kan DepEd-Camarines Sur an obheto kan panukala iyo an mapalawig an kaaraman kan mga estudyante tungkol sa West Philippine Sea paagi sa pag-apod kan mga leksyon may kinalaman sa kasaysayan, heograpiya, mga balaod, asin kahalagahan kaini sa pambansang interes.
Aniya, kung maaprubahan asin maging balaod an panukala, magseserbi ini bilang dugang na sanggunian tanganing mas maayos na maintindihan kan mga estudyante an isyu base sa opisyal na impormasyon asin sa umiiral na mga balaod.
Ipinaliwanag man niya na mahalaga na may sapat na kaaraman an mga estudyante sa mga usaping may kinalaman sa nasyon, kabilang na an mga isyu sa teritoryo asin karagatan. Sa paaging ini, mas magiging mulat sinda sa kahalagahan kan soberanya, yamang-dagat, asin sa mga karapatan kan Pilipinas sa idalom kan internasyonal na balaod.
Dugang pa ni Pelingon, kung maisasali sa kurikulum an mga leksyon tungkol sa West Philippine Sea, mas mahihikayat an mga estudyante na magsuri nin impormasyon gamit an mapagkakatiwalaang mga sanggunian, opisyal na dokumento, asin mga legal na batayan.
Tigtawan-duon niya an kahalagahan kan paglinang nin critical thinking tanganing mas maintindihan kan kabataan an mga pambansang isyu sa obhetibo asin makabuluhang paagi.
Sinabi man niya na may dakulang papel an edukasyon sa paghubog kan kamalayang sibiko asin pagmamahal sa nasyon. Pero nilinaw niya na an ano mang pagbabago sa kurikulum dapat mag-agi sa itinakdang proseso kan balaod asin sa ebalwasyon kan mga kinauukulang ahensya bago ipatuman sa mga eskuwelahan.
Aniya, padagos an pakikipagtambayayong kan DepEd sa iba-ibang sangay kan gobyerno sa pagpapatuman kan mga polisiyang may kinalaman sa edukasyon, habang tinitiyak na an mga leksyon naaayon sa umiiral na mga pamantayan asin layunin kan edukasyon.
Sa ngunyan, padagos pa an pagtalakay kan Kongreso sa West Philippine Sea Education Bill. Kun maaprubahan ini asin mapirmahan bilang balaod, saka pa lamang ini ipapatuman kan DepEd sa mga eskuwelahan.
Padagos man na binabantayan kan iba-ibang sektor an pag-uswag kan panukala, na inaasahang makakatabang sa mas halawig na pag-intindi kan kabataang Pilipino sa mga usaping may kinalaman sa kasaysayan, heograpiya, pambansang interes, asin responsableng pagkamamamayan.
